VIGAN CITY – Manarimaan pay laeng iti naun-uneg nga imbestigasyon ti Vigan City police station nga idaulwan ni Police Lt. Col. Dexter Paredes iti panagtakawan a napasamak idi May 24 idiay Purok a Dackel, Vigan City a nakaalaan iti pouch ni Emely Quillopo nga agtawen iti uppat a pulo ket siyam, barangay secretary ti nasao a barangay.
Ti nasao a pouch ket naglaon iti sumurok-kumurang pito pulo ribo a pisos, ATM, credit card, pass book ken registration iti motorsiklo ti biktima a nakaikabil iti compartment.
Pinasingkedan ni Paredes nga adu dagiti anggulo a kitkitaen da ken adu dagiti saludsud a kayat da a masungbatan inaig iti nasao a banag kas iti saludsud nu kukuwa kadi ti biktima iti kwarta a napukaw ken nu kasanu a naala dagiti suspek ti pouch a nakaikabil iti compartment iti motorsiklo na.
Kabayatanna, kinumpirmaran met ti hepe ti Vigan City police station a saan a napuwersa a nalukatan iti compartment iti motorsiklo.
