Pinasingkedan ti Department of Justice nga agtuloy latta ti imbestigasion ti gobierno kadagiti anomalia iti flood control project uray no saan a makitinnulong dagiti agassawa a contractor a da Pacifico ‘Curlee’ ken Sarah Discaya.
Immunan nga imbabawi dagiti Discaya ti suportada iti Independent Commission for Infrastructure iti imbestigasion iti mapapati a maanomalya a flood control project.
Segun ken ni ICI Executive Director Brian Hosaka, nagbabawi ti agassawa a makitinnulong kalpasan a kinuna ni Commissioner Rogelio Singson nga awan pay ti makitkitada a kwalipikado tapno agbalin nga state witness.
Kabayatanna, kinuna ti Office of the Ombudsman nga awan ti tyansa dagiti Discaya nga agbalin nga state witness ta adda dakkel a pakainaiganda kadagiti anomalia.
