VIGAN CITY – Napagtalinaed ni Bagyo Ramon iti pigsa na kabayatan iti iyaasideg na idiay Babuyan Islands.
Maibasar iti kaudian a weather bulletin ti PAGASA, naudi a nasaripatpatan iti bagyo iti kaadayo a sangagasut ket sangapulo a kilometro, daya ti Calayan, Cagayan a ti kapigsa iti angin na ket sangagasut ket dua pulo a kilometro agingga a pumigsa ti sangagasut ket lima pulo a kilometro tunggal oras.
Agpapa-laud – amyanan a laud iti bagyo iti kabuntog a sangapulo a kilometro tunggal oras.
Segun ti PAGASA, tatta bigat agingga inton malem ket posible nga aglandfall idiay Babuyan Islands ni Bagyo Ramon ken inton malem agingga inton rabii iti manamnama a panaglandfall na idiay northern coast ti Cagayan.
Manamnama a kumapsot to iti bagyo nu makapaglandfall.
Agsipud iti dayta, nakaibayog ti Tropical Cyclone Wind Signal Number 3 idiay Northern portion ti Cagayan (Santa Praxedes, Claveria, Sanchez Mira, Pamplona, Abulug, Ballesteros, Aparri, Calayan, Camalaniugan, Buguey, Santa Teresita, Gonzaga at Santa Ana); Signal no.2 idiay Batanes, Apayao, Kalinga, Abra, Ilocos Norte, Ilocos Sur, ken nabatbati a paset ti Cagayan idinto a Signal number 1 idiay northern portion ti Isabela (Sta. Maria, San Pablo, Maconacon, Cabagan, Sto. Tomas, Quezon, Delfin Albano, Tumauini, Divilacan, Quirino, Roxas, Mallig, San Manuel, Burgos, Gamu ken Ilagan City), Mountain Province, Benguet, Ifugao, La Union ken Pangasinan.
Kalalaingan na agingga a napigsa a tudo iti mapadasan tatta nga aldaw idiay Batanes, pakairamanan iti akin-amyanan a paset ti Cagayan, pakairamanan ti Babuyan Islands, Apayao ken akin-amyanan a paset ti Ilocos Norte.
Nakapsot agingga kalalaingan na a nu dadduma ket napigsa a tudo iti mapadasan iti akin-amyanan a paset ti Isabela, Kalinga, Abra ken nabatbati a paset ti Cagayan ken Ilocos Sur.
