--Ads--
Naragsak ken proud ti riknana ni Makayla Fetalvero nga umuna a nakagun-od iti balitok a medalya iti swimming event para iti Batang Pinoy 2024 iti delegasyon ti Ilocos Sur.
Iti pannaki-uman ti Bombo Radyo Vigan ken ni Fetalvero, iti Day 1 ket nadismaya ken nagsangit gapu iti sakit ti nakemna a naabak.
Ngem iti sumaruno nga aldaw, isu ti pannakayalatna ti balitok a medalya iti 50m butterfly.
Innayonna a narigat dagiti sinangona a karit agsipud ta para iti training ket kasapulanna ti kanayon a nasapa nga agriing.
-- ADVERTISEMENT --
Nupay kasta, pagyamananna met ti Namarsua a nangted kenkuana iti pigsa kasta payen dagiti supporter, nagannak, ken coach na a nangtartarabay kenkuana ta gapu kadakuada ket simmayaat ti performance-na.
