--Ads--
VIGAN CITY- Dagiti laengen high voltage wire a maikabit kadagiti pumps ti maiyur-uray tapno malpas ti maintenace ti Ilocos Sur musical dancing fountain a manamnama nga agsubli ti operasyon na iti maudi a lawas ti Oktobre wenno sakbay ti pyesta ti minatay.
Segun kenni Dante Tacata, mangimanmanehar ti dancing fountain , nalpasen ti general cleaning iti fountain ket dwa a lawas ti kapaut na iti panangikabit da kadagiti baro a high voltage wires.
Inlawlawag na nga idi napan a tawen ket nakita da a nakapsoten ken narasin dagiti high voltage wire ta daanen isu a kasapulan a masukatan ti baro nga aggapu idiay South Korea tapno agtultuloy ti napintas a panagfunction dagiti pumps ken panagpabuya ti dancing fountain.
