Kinumpirmaran ni Governor Jerry Singson nga awan ti suspension ti klase kadagiti pampubliko ken pribado a pagadalan kasta payen ti trabaho iti gobierno iti probinsia inton bigat, September 4, 2024 kagiddan ti panagduprak pay laeng ti Bagyo Enteng.
Iti pannaki-uman ti Bombo Radyo Vigan ken ni Governor Singson, desisyon latta dagiti mayor kadagiti ili ken siudad nu masapul nga agsuspenso ta isuda iti makakita iti sitwasyon dagiti kailianda.
Segun ken ni Gov. Singson, awan iti aniaman nga impaay ti Bagyo Enteng ta awan pay laeng iti naireport a damages iti agrikultura.
Pagyamanan ti gobernador ta saan a ngimmato iti danum kadagiti karayan nangruna iti paset ti Banaoang.
Kabayatanna, balakadna kadagiti mangngalap a saan pay laeng nga agkalap kas panagannad iti mapapasaran a panawen ken uray kadagiti mannalon ket balakadna a monitorenda dagiti mulada gapu iti panagduprak iti bagyo.
VIDEO – GOV. JERRY SINGSON
