VIGAN CITY – Agtultuloy a makarikna ti intero nga Ilocos region iti below normal rains ita a bulan ti Hulyo gapu iti immatiddug nga epekto ti El Niño phenomenon.
Iti pannaki-uman ti Bombo Radyo Vigan ken ni Cynthia Iglesia, Senior Weather Specialist ti Laoag Complex International Airport, bimmaba ti porsiento wenno tyansa iti kaadda ti La Niña phenomenon ditoy pagilian ta manipud iti dati a 69 percent forecast ket nagbalin laengen a 50 percent.
July-August-September met dagiti napatta-patta a bulan ti idadateng ti La Niña ngem ita ket nagbalinen nga August-September-October.
Kabayatanna, agtultuloy ti monitoringda no adda panagbaliw iti kalamiis iti kadanuman ti central ken eastern equatorial pacific.
Marikna latta ti pasaray mapattu-pattok a panagtudo gapu iti Localized Thunderstorms ken posible iti panagtudo iti yelo ken panagkimat isu a binalakadanna dagiti umili nga agridam ken agannad.
