--Ads--
Nakaawat ti ili ti Santa iti ‘Beyond Compliant’ rating iti Gawad Kalasag Regional Awarding ceremony a naisayangkat idiay Bauang, La Union.
Ti pammadayaw ket kas pammigbig iti napintas a panagsagsagana ti ili tunggal adda dagiti didigra.
Iti pannaki-uman ti Bombo Radyo Vigan ken ni Vince Clyde Cardenas, Municipal Disaster Risk Reduction and Management Officer, umuna a gundaway a magun-od ti ili ti Santa ti nasao a pammadayaw, ta idi napan a tawen ket isuda ti ‘fully compliant’.
Kunana a narigat a magun-od ti kastoy a pammadayaw ta awan pay sangapulo nga ili ti naipaayan kabayatan ti pannakaisayangkat ti seremonia.
-- ADVERTISEMENT --
Bigbigen ti opisial ti dakkel a suporta da Mayor JJ Bueno ken ni Vice Mayor Jesus ‘Popoy’ Bueno para iti daytoy a banag.
