Pormal a kiniddaw ni International Criminal Court (ICC) Prosecutor Chief Karim Khan iti Appeals Chamber nga ibasura iti kiddaw nga i-disqualify isuna manipod iti kaso ni dati a President Rodrigo Duterte.
Impaganetget ni Khan nga agpapada nga espekulasyon laeng ken awan ti pagbasaran dagiti claim ti depensar kontra kenkuana a napaay a nasurot dagiti naituding a legal threshold para iti disqualification iti panangiggem iti kaso.
Inlawlawag ti ICC Prosecutor Chief a saan a nakompromiso iti panagbalinna a patas ti limitado nga akemna iti pormal a submission idi 2018 a naawagan nga Article 15 communication nga impasa dagiti indibidual, grupo wenno organisasyon a nagkiddaw iti Korte tapno imbestigaran ti mapapati a krimen iti salinong ti war on drugs.
Impatangken ni Khan a ti Article 15 communication ket naipasa sakbay pay a narugian iti aniaman a pormal nga imbestigasyon isu a saan a maibilang a legal proceedings iti salinong ti Rome Statute.
Impaganetgetna pay nga awan ti overlap a napasamak iti nagbaetan iti panangibagina kadagiti biktima idi 2018 ken ti nagbalin a reference iti arrest warrant application.
Pinatibker ni Khan iti panangdayawna ti authority ti Appeals Chamber ken kinuna a nu kas bilang makasapul ti assembly iti reasonable a pagbasaran iti panagbalin a bias wenno saan a patas ket surotenna iti pangngeddeng ti Chamber.
Iti agdama ket awan pay iti inruar ti ICC a ruling mainaig ti disqualification request ti defense team ti dati a presidente.
