--Ads--
Pinatganen ti International Criminal Court Pre-Trial Chamber 1 ti kiddaw ni dati a Presidente Rodrigo Duterte a saan a dumar-ay iti naituding a confirmation of charges hearing mainaig iti war on drugs.
Binilin ti Chamber ti kampo ni Duterte, dagiti ICC prosecutors, ken ti common legal representative dagiti biktima a kitaen no ania kadagiti filing-da ti mabalin nga aramiden a public wenno agtalinaed a redacted.
Ti confirmation of charges hearing a naituding inton Pebrero 23, 24,26, ken 27, 2026 idiay The Hague, Netherlands.
Maipalagip nga iti daytoy a lawas ket nangiruar ti statement ni Duterte nga i-waive ti karbenganna a dumar-ay iti hearing, gapu iti tawen, salun-at, ken gapu ta saanna a bigbigen ti hurisdiksion ti ICC.
-- ADVERTISEMENT --
