Pinasingkedan ti International Criminal Court nga adda kadagiti huwes ti decision iti kiddaw ni dati a Presidente Rodrigo Duterte a saan a dumar-ay iti confirmation of charges hearings manipud Pebrero 23 agingga 27, gapu ta saanna a bigbigen ti hurisdiksion ti korte.
Sangsangwen ni Duterte ti 49 a kaso ti murder ken attempted murder mainaig iti anti-drug campaign-na a mangibagbaga a dakdakkel ngem iti aktwal a bilang dagiti biktima.
Dinakamat pay ti ICC dagiti mapapati a kakunsabus iti “common plan” kontra kadagiti naibilang a kriminal pakairamanan da Senador Ronald “Bato” Dela Rosa, Senador Bong Go, abogado a ni Vitaliano Aguirre II, ken sumagmamano a dati nga opisial ti kapulisan.
Maibasar iti rekord ti gobierno, nasurok-kumurang 6,200 a drug suspect ti napapatay iti panawen ti Duterte administration, ngem segun kadagiti human rights groups, mabalin nga umabot daytoy iti 30,000.
