Pinasingkedan ti International Criminal Court (ICC) nga agtalinaed daytoy nga independent a korte kalpasan nga inakusaran ni Vice Presidente Sara Duterte ti tribunal a puppet da Presidente Ferdinand Marcos Jr. ken dati a Senador Antonio Trillanes IV.
Iti statement ti ICC spokesperson Oriane Maillet, kinunana nga agwaywayas ken maitunos iti Rome Statute nga itungpal ti korte ti mandatona.
Binabalaw manen ni Duterte ti ICC bayat ti panagbisitana iti amana a ni dati a President Rodrigo Duterte idiay The Hague ket impapilitna pay a ti kaso ti amana ti kangrunaan a nakaipamaysaan ti tribunal.
Simmungbat ni Trillanes babaen ti panangibagana nga awan ti panangidumduma ti ICC ken ti kaso a naipila kontra iti dati a presidente ket resulta ti napaut nga imbestigasion mainaig iti nadara a kampania kontra iti droga.
Kabayatanna, indagadag ni human rights lawyer Gilbert Andres a respetuen ti proseso ti ICC, idinto nga inawagan ni Malacañang nga awan pagbasaran dagiti sarita ti bise presidente.
