Patien ni House Speaker Martin Romualdez a ti baro a Guaranteed and Accessible Medication for Outpatient Treatment (GAMOT) package iti Philippine Health Insurance Corporation (PhilHealth) iti kasapulan dagiti Pilipino kangrunaan kadagiti saan a makagteng.
Nakaituding nga agbalin nga epektibo inton August 21, inyatiddog ti PhilHealth GAMOT package ti initial 21 free medicines iti pitopulo ket lima a mangsakup iti wide range iti kondisyon kas ti infections, asthma ken chronic obstructive pulmonary disease (COPD), diabetes, high cholesterol, hypertension, ken dadduma pay a heart ailments kasta payen ti nervous system disorders ken dadduma pay a supportive therapies.
Dinayaw ni Romualdez a Leyte 1st district congressman ni President Ferdinand Marcos Jr. iti sirmata ken panangbayabayna iti state health insurer nga iyatiddog ti healthcare services kadagiti inpatient benefits.
Impaganetget ni Romualdez ti improved access iti pitopulo ket lima a libre nga agas kadagiti napili a clinic ken pharmacies babaen ti yearly cap a P20,000 kada miembro, a saan laeng nga economic relief, nu diketdi napateg nga addang para iti prevention ken primary care, ngem tay nangina a tertiary treatment.
Segun ken ni Romualdez, adu kadagiti mangib-ibtur iti sakitda ket saan nga agpapacheck up iti doctor gapu ta saanda a makabaelan ti consultation fee ken laboratory tests ta patienda a ti agas a tumarenda nga agpalaing ket nayon laeng ti gastosda.
Kinuna ni Romualdez a babaen ti GAMOT package iti PhilHealth ket makissayan ti gastos a paggatang ti agas ket mabalinda nga aramaten laengen para ti sabali a gastosenda.
