Saan nga ikkan ti House Quad Committee ti access ti International Criminal Court iti transcript dagiti hearings da iti nadara a war on drugs ti administrasyon ni dati a Presidente Rodrigo Duterte.
Dayta ti pinasingkedan ni Quad Comm Lead Chairperson, Surigao del Norte 2nd District Rep Robert Ace Barbers, kalpasan a pinasingkedan ni Presidente Ferdinand Marcos Jr a saan a makitinnulong ti pagilian iti ICC para iti imbestigasyonda iti anti-drug campaign ti naglabas nga administrasyon.
Inkalintegan ni Barbers nga agingga saan a miembro ti Rome Statute ken agingga awan ti pammilin manipud iti presidente ket saan a mabaliwan ti pagtaktakderanda.
Inyunay-unay dagiti kongresista a saan a miembro ti ICC ti Pilipinas isu nga awan ti obligasyonna iti natural intergovernmental organization ken international tribunal.
