VIGAN CITY – Sapsapulenen dagiti pannakabagi ti linteg dagiti suspek a nangbagkong iti maysa a lalaki iti Tamag, Vigan City a naideklarar a dead on arrival iti maipaagas iti ospital.
Nabigig ti biktima a ni Johny Asistin idinto a dagiti suspek ket da John Sarmiento, agtawen iti limapulo idin a ti suspek ket ni Mario Manzon nga agpapada nga agnaed iti nasao a lugar.
Iti pannaki-uman ti Bombo Radyo Vigan ken ni PLt. Col. David Dulnuan, officer in charge iti Vigan City Police Station, agiinom dagiti suspek ken biktima iti Vallesta Compound idin ta nagririnnupakda ket adda nanganawa kadakuada.
Gapu ti dayta, nagawid ti biktima ngem idi agsubli manen iti nagiinomanda ket nasabetna ti suspek a nagbagkong iti barukongna isu nga insigida a nagpaarayat ngem idi maipaagas iti ospital ket saanen a naisalakan ti biagna.
Kalpasan ti pammagkong ket naglibas dagiti suspek nga isu a sapsapulen dagiti pannakabagi ti linteg ken agtultuloy ti imbestigasyon iti pasamak.
