VIGAN CITY- Awan pay iti pormal a napili ti Miss Universe Organization nga aghost iti sumaruno nga edisyon tio Miss Universe beauty pageant uray nu immunan a naipadamag nga adda iti posibilidad a daytoy ket maisayangkat idiay Macau.
Ti pannaki-uman ti Bombo Radyo Vigan ken ni dati nga Ilocos Sur Governor nga itan ket agdama a Narvacan councilor Luis “Chavit” Singson a maysa kadagiti sponsors iti prestihiyoso a beauty pageant, maysa ti South Korea kadagiti pagilian nga interesado iti hosting ti Miss Universe kas paset iti peace efffort iti pagilian da ti North Korea.
Segun ken ni Singson, nu agbalin a host ti South Korea ket posible nga agipatulod iti kandidata ti Pyongyang kas iti inaramid da idi Winter Olympics a nagbalin a tulbek iti panagkaykaysa ti South ken North Korea.
Mainaig dayta, inpakaammo iti dati a gobernador a sumurot to isuna iti delegasyon ni Presidente Rodrigo Duterte nga agturong idiay South Korea inton umay a bulan tapnu makinegosasyon kadagiti opisyal ti South Korea inaig iti gagem da nga aghost ti Miss Universe pageant.
Naamuan a ti kompanya na a LCS group iti pinusgan ti Miss U organization nga agpili iti pagilian nga agbalin a host iti nasao a beauty pageant iti kada tawen.
