Mangirusat ti Cybercrime Investigation and Coordinating Center (CICC), Department of Information and Communications Technology (DICT), ken dadduma pay nga ahensia ti kampania a maawagan a “Holiday Watch PH” tapno matulongan dagiti tattao a mabiktima ti online scamsa itan nga umadanin ti Holiday Season.
Dagiti gagangay a scams bayat ti holidays ket pakairamanan ti fake charities, phishing emails, ken fake online deals.
Segun ti ahensia, no maka-encounter iti scam tumawag ti 1326 wenno usaren ti eGov Super App tapno ireport; sakbay nga agpuonan iti maysa a kompania, usaren ti SEC Check App tapno mapaneknekan a lehitimo; no gumatang iti online, kitaen ti NPC Seal of Registration tapno masigurado a mapagtalkan ti website; protektaran ti device babaen ti panangi-download ti Whoscall Anti-Scam App tapno makatulong a ma-identify ken manglapped kadagiti scam call ken mensahe; saan nga agtalek kadagiti deal a kasla good to be true, ken agganad kadagiti kiddaw a personal nga impormasion, nangruna manipud kadagiti saan a pamiliar a sources.
Makitinnulong ti CICC, DICT, ken dadduma pay nga ahensia tapno maipatungpal iti linteg a nasayaat.
Innalukoy pay National Privacy Commission (NPC) dagiti businesses nga irehistroda dagiti data processing systems tapno masalaknibanda ti impormasion dagiti kostumer.
