Imimbestigaran ti Mandaluyong City Police Station ti viral video a pakakitaan iti panagasot ken panangipaturong ti paltog ti maysa a nagpayam-ammo a heneral iti maysa a motorista gapu iti saan a panagkinnaawatan maipanggep ti parking.
Nagsarita iti saan a makaay-ayo ti heneral iti driver a nangala iti video bayat a pappapanawenna manipod iti panagparada iti asideg iti pagnanaedanna a pagtaengan, ken makita nga adda iggemna a paltog bayat ti komprontasyon.
Segun ti Mandaluyong Police, am-amwendan dagiti karaman ken agtultuloy a maver-verify dagiti detalye iti insidente.
Ad-adalen pay dagiti otoridad ti agwarwaras a footage ken agal-aladan iti sarita dagiti nakaimatang tapno maamwan iti pasamak a gappuanan ti komprontasyon pakairamanan ti legalidad ti armas.
Pinalagipan ti PNP dagiti gunowner nga adda katukad a responsibilidad iti panagaramat ti paltog a pammutbuteng ken agresulta iti legal ken administratibo nga addang.
