Nangisayangkat ti evacuation dagiti medic para iti dua a pasahero a nakitaan iti sintomas iti hantavirus kalpasan iti mapapati nga outbreak iti maysa a luxury cruise ship nga agtaltalinaed iti kabaybayan iti West Africa.
Mapatta=patta a 150 a tattao iti agtaltalinaed iti nasao a cruise ship kalpasan a natay dagiti tallo a pasahero a pakairamanan dagiti agsawa a Dutch ken maysa a German national, idinto a sumagmamano iti agsakit.
Karaman iti maysa a Briton a naipanen idiay South Africa tapno maagasan.
Ti hantavirus ket maysa a naidumduma a sakit a mabalin nga agresulta iti nakaru a respiratory illness ken maipasa babaen ti angin nga adda kontaminasyonna manipod iti isbo wenno rugit iti bao, saan met a nadaras a maipasa babaen ti human-to-human.
Segun ti World Health Organization, nababa ti peggadna dayta iti publiko ken saan a kasapulan ti travel restrictions.
No pay kasta, kas panagannad, saan a pinalubosan ti Cape Verde a sumanglad iti Dutch-flagged nga MV Hondius.
