VIGAN CITY – Tallo a milyon a pisos iti indiaya ni Presidente Rodrigo Duterte a gunguna ti siasinuman a makaited iti impormasyon para iti pannakakemmeg dagiti suspek iti brutal a pannakapapatay dagiti uppat a pulis idiay Sitio Yamot, Barangay Mabato, Ayungon, Negros Oriental.
Sakbay iti dayta, 1.3 milyon a pisos iti immunan nga indiaya ni Presidente Duterte a gunguna para iti pannakasolbar iti nasao a krimen.
Ti panagsarita na idi rabii ti July 25 iti inagurasyon iti baro a by-pass road idiay Candon City, inpeksa iti presidente iti pungtot na kadagiti suspek iti pannakapapatay dagiti uppat a pulis.
Kinunana, kayat na a maidatag kenkuana iti ulo ti lider iti grupo nga utek iti pannakapapatay dagiti pulis ta saan na a kayat iti napasamak kadagiti tao na.
Maipalagip a dagiti miyembro ti New People’s Army iti maatap a nangtambag kadagiti uppat a pulis idiay Ayungon, Negros Oriental idi July 18.
