Nagpanawagan ni Government Service Insurance System (GSIS) President ken General Manager Wick Veloso kadagiti amin a government agencies, local government units ken dagiti members a makikammayet iti opisinida no biktimida ti Typhoon Carina ken Habagat.
Segun ken ni Veloso, rugrugiandan iti agiproseso kadagiti insurance dagiti biktima ti nasao a kalamidad.
Inlawlawag ti opisyal iti dagus a panagreport kadagiti nadadael gapu ti bagyo ket makatulong saan laeng iti GSIS no di ket pati kadagiti biktima para iti nadardaras ken naururnos a proseso kadagiti claim-da.
Impasigurado ni Velasco a nakasagana ti GSIS a tulungan dagiti policy holders babaen ti naparpartak a panang-proseso ti claims-da ken dagus a mabayadan dagiti nadadael kalpasan iti evaluation.
