VIGAN CITY- Nalamiis a rehas iti pagbaludan, saan a diploma, ti iggaman iti maysa a graduating college student a nakemmeg iti anti-illegal drug buy- bust operation idiay Brgy. Tamag, Vigan City.
Ti suspek ket nabigbig a ni Rusty Kevin D. Raquel, agtawen iti dua pulo ket uppat,graduating BS Mathematics student ti University of Northern Philippines (UNP) ken agnaed idiay Ampandula, Santa, Ilocos Sur.
Naala kenkuana iti maysa a bloke ken dua a sachet ti napagango a bulong ti marijuana a nakaikabil ti ziplac.
Maibasar iti testimonya ti suspek, inbaga na a ti social media iti panangisaysayangkatan na iti iligal a transaksyon ken inaklon na nga agar-aramat iti marijuana ta pampaturog na ti bagi na.
Ti agdama, isagsaganan dagiti otoridad iti kaso a panaglabsing ti RA 9165 wennu Comprehensive Dangerous Drug Act of 2002 kontra ti suspek.
