Inruar ti Civil Service Commission (CSC) ti memorandum a mangiparit kadagiti government official ken employees iti pannakipaset ti partisan political activity pakairamanan ti panag-like, share ken dadduma pay iti social media post bayat ti kampania para ti May 12, 2025 elections.
Ti prohibition ket nakailanad iti Memorandum Circular 3-2025 wenno ti Reminder Not to Engage in Partisan Political Activities During the Campaign Period of the 2025 Midterm Elections, kas nakailanad iti 1987 Constitutions, karamanan ti existing laws kas pagibasaran.
Mabalin a macommit iti nasao a prohibited activities saan laeng a bayat nu diketdi uray ruar iti office hours bayat iti campaign period.
Iti 1987 Constitution, nakalanad nga awan ti officer wenno employee iti civil service iti rumbeng a mainaig, direkta man wenno saan iti aniaman nga electioneering wenno partisan political campaign ken awan ti miembro ti military iti mainaig, direkta man wenno saan iti aniaman a partisan political activity, malaksid laeng ti panagbotos.
