VIGAN CITY – Maysa iti nainayon a baro a kaso iti covid-19 iti Ilocos Sur isu nga umaboten iti 1051.
Maibasar iti listaan iti Provincial Government, maysa a government employee ni IS-C1051, babai nga agtawen ti tallopulo ket uppat nga agnaed idiay Brgy. Baracbac, Galimuyod.
Maysa a returning resident ti pasyente manipod Ilocos Norte ket high risk area iti exposure-na ken broad iti nakapulapolna.
Kasta pay a ti sintomas iti covid-19 a nariknana ket naguyek, nagpanateng ken nagsakit ti karabukobna.
Gapu iti dayta ket manipod April 27 agingga May 11, 2021 ket maisakup iti Extreme Enhanced Community Quarantine (EECQ) iti maibilang a critical zone, Modified Enhanced Community Quarantine (MECQ) iti containment zone ken General Community Quarantine (GCQ) iti buffer zone.
