VIGAN CITY – Agpada nga adda kamalina iti nasinnumbangir a partido nu apay a dimmanon ti dinnangran ti protesta iti pagilian a Kenya.
Iti pannaki-uman ti Bombo Radyo Vigan ken ni Bombo International news Correspondent Ann Lou Biating, agpada nga adda kamali ti gobierno ken dagiti nagprotesta nu apay nga adda dagiti nadangran a tattao.
Naglabes dagiti protesters iti nagbalin nga addangda ta plinanoda a serken ti parliament ken ti state house a mailabsing metten iti linteg.
Innayonna a kaadoan kadagiti nagprostesta ket Gen Z ken ginundawayanda ti panagtepteppel dagiti otoridad nga agbanbantay iti lugar rason ti panagdinnangran ti dua a grupo.
Inpakaammo nni Biating a ti rason ti nagbalin nga addang ti gobierno nga ingato ti tax tapno saan a mapukaw dagiti major services iti pagilianda ket gapu epekto dagiti naglabas a krisis, pandemya, ken epekto ti didigra iti pagilianda.
Vc- BINC ANN LOU BIATING
Kabayatanna, saanna a patien a tinarget dagiti otoridad ti half siste ni sigod a Pres. Barrack Obama ta dagiti pamilyana ket agnanaed iti western province iti lugar ken nalatak ti kabsatna nga aktibo a lumablaban para iti karbengan dagiti tattao ken patienna a maysa isuna kadagiti protester iti dayta a kanito.
Inlawlawag ni Biating a sabsabali ti political ken cultural dynamic iti pagilian a Kenya agsipud ta tapno maiparikna ti ilablaban dagiti tao ket masapol nga idalanda iti pisikalan
Iti agdama, ket umaboten iti sangapulo ti natay ken nasurok duagasot ti nadangran iti agtultuloy a protesta nga amin ket gapo iti gunshot wound.
Vc- BINC ANN LOU BIATING
