Imimbestigaran ti gobierno ti Pilipinas ti mapapati a panagsinnukat ti bangkay ti Filipina worker a ni Jenny Alvarado a natay idiay Kuwait idi Enero. 2 ken ti maysa a Nepali worker.
Segun kenni Department of Migrant Workers (DMW) Secretary Hans Cacdac a naikkan ti tasked ti Philippine labour attache ken abogado nga in-hire ti gobierno a mangimbestigar iti insidente.
Nakipagkita metten ni Cacdac iti pamilya ni Alvarado ken dimmawat iti dispensar ti napasamak, ken impanamnamana ti pannakaisubli ti bangkay ni Alvarado manipud Kuwait.
Kabayatanna, inyunay-unay ni House Assistant Minority Leader ken Gabriela party-list Rep. Arlene Brosas a masapul a sungbatan ti DMW ken ti embahada ti Pilipinas iti Kuwait iti nasao a pasamak.
Kinuna ni Brosas a ti insidente ket nakaigapuan ti distress ti asawa ni Alvarado ken dagiti lima nga annakna.
Natay ni Alvarado gapu iti suffocation ngem kayat ni Brosas a siguraduen nga awan iti napasamak a foul play.
