Nainget nga im-imbestigaran dagiti otoridad nu na-overdose iti maiparit nga agas iti rason ti pannakatay ni VMX Star Gina Lima iti uneg iti kuarto ti dati a nobyona idiay Quezon City idi November 16, 2025.
Dayta ket kalpasan a naisayangkat ti panagadal ti Scene of the Crime Operatives (SOCO) iti Quezon City Police District (QCPD) Forensic Unit nga idadauluan ni PMaj. Eric Angay a nakaalaan iti agduduma a capsule ken tablet iti illegal a droga ken tallo a piraso ti small glass tubes nga adda trace iti yellowish liquid.
Malaksid dayta ket nakita pay nga adda gasgas ken dunor iti agsumbangir a tumeng ti biktima.
Mapapati a kinuna ti maysa a gayyem ti biktima a ni John Lorens nga umabot iti tallo a tawen ti relasyon da Gina ken Ivan Ronquillo ket nagsinada idi May 2025, ngem agkitkitada latta sagpaminsan.
Kabayatanna, pinaglibakan dagiti otoridad a natay iti pannakabugbog ni Gina ken inlawlawagda a dagiti pasana ket gapu iti pannakabagkatna idi naipan iti ospital.
