Rinugianen ti Gilas Pilipinas iti sangapulo nga aldaw a training para iti second window iti FIBA World Cup Asian Qualifiers.
Segun ken ni Gilas head coach Tim Cone, adda sumagmamano a panagbaliw ti line up iti national basketball team.
Innalada ti ensayo ni Justine Baltazar a ti Converge ket addaan ti average a 14.8 points ken 14.2 rebounds, ket manamnama a makatulong gapu iti kinaawan da Kai Sotto ken Quentin Millora-Brown.
Innayon ni Cone nga inkeddeng ni Millora-Brown a saan pay laeng a sumali iti Gilas Pilipinas idinto ni Sotto ket naaddaan idi iti injury ken adda torneo a salianna idiay Japan.
Iti umuna nga aldaw iti session ket dimmar-ay da Justine Brownlee, June Mar Fajardo, Scottie Thompson, Calvin Oftana, Cjay Perez, Chris Newsome, RJ Abarrientos ken Troy Rosario.
Makasango ti Gilas ti New Zealand inton February 26 idinto a ti Australia ket inton March 1.
