Agtultuloy iti panagbaliw ti Samahang Basketbol ng Pilipinas iti programa ti Gilas Pilipinas kalpasan a dinutokanda ni Sandy Arespacochaga kas baro a head coach iti women’s Under-18 team.
Sukatanna ni Julie Amos bayat nga agsagsagana iti grupo para iti 2026 FIBA Women’s Under-18 Asia Cup SEABA Qualifiers.
Paset dayta iti agtultuloy a panag-revamp iti SBP kalpasan a nadutokan ni Juno Sauler kas baro a head coach iti Gilas Youth Men idi Enero kasukat ni LA Tenorio.
Iti agdama nga assistant coach ni Arespacochaga iti TNT Tropang Giga iti PBA ken paset pay ti coaching staff iti Ateneo Blue Eagles iti UAAP.
Addaan pay isuna ti adu a kapadasan iti international basketball kalpasan nga iniggamanna ti Gilas Pilipinas idi 2019 FIBA Under-19 Basketball World Cup.
