Awan pay ti naawat nga ania man nga impormasion ni Senate President Sherwin Gatchalian mainaig iti mapapati a panangiruar ti International Criminal Court iti warrant of arrest kontra ken ni Senador Bong Go.
Dayta ket kasaruno ti panangibaga ni Davao City Rep. Paolo Duterte a nangiruar ti ICC iti warrant of arrest kontra ken ni Go ken dagiti 2 pay a pulis.
Saan pay met a nagkomento no Gatchalian no adda namnamaen a tulong ni Go, manipud iti Senado kas ti naited a protective custody ken ni Senador Ronald Bato dela Rosa nga immunan a nairuaran iti warrant of arrest manipud ICC.
Kabayatanna, immunan nga inlawlawag da Interior Secretary Jonvic Remulla, Justice Secretary Frederick Vida, ken ti Philippine National Police nga awan pay ti naawatda nga official document mainaig iti nasao a warrant.
