VIGAN CITY- “Nalaing a makisinnungbat, aramiden na amin a kaykayat na iti balay a pagnanaedan na ken demanding”, dayta ti panangiladawan ni PSInsp. Edmund Artates, hepe ti Sinait municipal police station, ti napapatay a gangannaet a ni Reginald Hodgens, agtawen iti pito pulo, baro, building supervisor, Australian national ken agdama nga agnanaed idiay Sitio Bliss, Barangay Katipunan, Sinait, maibasar iti panagsalsaludsod da kadagiti makaam-ammo ti biktima.
Segun ken ni Artates, gapu kadagiti nasao a galad ti biktima ket pappapanawenen isuna dagiti akin-kukua iti balay a pagnanaedan na ngem saan a kinayat ti biktima uray nu nagleppasen iti kontrata a pinirmaan na.
Innayon na a nakadanun idiay Sinait ti biktima gapu ti hilig na ti surfing.
Agtultuloy latta iti imbestigasyon dagiti otoridad iti pasamak nangruna iti pakabigbigan ti suspek ken motibo ti krimen ngem maysa kadagiti pamal-palatpatan da ket iti kaso nga inpila na idiay ili ti Cabugao.
Cal. 45 ti paltog a naaramat iti krimen kas maibasar ti buli ti bala a nasarakan iti nakapasamakan iti krimen.
