Idurduron manen ni Navotas Rep. Toly Tiangco ti gakat nga ikkaten ti system loss charges iti binulan a singir iti kuryente kadagiti consumer.
Segun ken ni Tiangco, saan a maikalintegan nga ipasa dagiti umili ti gastos gapu iti nakaw-kuryente ken daddmapay a pannakalugi wenno inefficiencies dagiti power utility nga awan met iti kontrolda.
Impilana ti House Bill No. 10273 wenno ti System Loss Charges Abolition Act of 2026 kas suportar ti panawagan ni Pres. Ferdinand Marcos Jr. iti maikalima nga State of the Nation Adress wenno SONA nga ikkaten ti system loss charges tapno makatulong iti panaglaka ti presio ti kuryente.
Kinuna ti agpampanday linteg nga immunan nga impilana iti isu met la a gakat idi 2010 ngem saan dayta a naggaraw.
Gapu ta suportado dayta ti presidente ket mangnamnama isuna a maaddaan iti umdas iti Kongreso tapno agbalin a linteg ti gakat.
