Pinasingkedan ti Department of Agriculture a suportado da iti gakat a P210 kada kilo ti presio ti sibibiag a baboy bayat a bumabbaba ti presio dagiti farmgate iti P120 agingga P160 iti sumagmamano a lugar.
Ngem pinasingkedan ni Agriculture Secretary Francisco P. Tiu Laurel a ti gobierno ket awan pay ti legal nga otoridad a mangipataw ti nadakamat a presio iti agdama.
Mainaig daytoy, impganetget ni Laurel a ti bilang a P210 ket manipud iti industriya ti baboy , saan nga iti DA, nupay suportado ti ahensia ti gakat bayat a marigrigatan dagiti prodyuser iti bumababa a presio ti farmgate.
Innayon na a dagiti presio iti farmgate ket agdama nga agduduma segun iti lokasion, no sadino adda dagiti sumagmamano a prodyuser ti makaawawat laeng ti P120 agingga P160 kada kilo.
Kabayatanna, inlawlawag ni Laurel a ti singasing a presio iti baba ket agtaltalinaed a maysa a target imbes a maysa a maipatungpal a presio gapu ta awan pay ti linteg a mangipalubos iti DA a mangipataw ti mandatory farmgate floor, idinto a ti presidential price cap ket agkasapulan ti bukod na a legal ken procedural nga addang.
