--Ads--
Nakapasan iti House Committee on Tourism ti gakat nga ikkaten ti masing-singir a travel tax.
Iti nagbalin a panagdenggeg ti House Committee on Tourism iti panangidaulo ni Romblon Rep Eleandro Jesus Madrona ket naaprobaran ti innem a gakat a mangitandudo ti pannaka-ikkat ti travel tax a pakairamanan ti House Bill (HB) No. 7443 nga impila ni House Majority Leader ken Ilocos Norte Rep Sandro Marcos.
Kagiddan ti panag-aprobar ti gakat ket imbilin ni Madrona ti House Committee on Secretariat nga aramiden ti committee report tapno maipasa iti House Committee on Ways and Means ken House Committee on Appropriations.
Inton oras a maaprobaran iti dua a nadakamat a komite ket maipasa iti House Plenary para iti deliberasion.
-- ADVERTISEMENT --
