Vigan City – Manarimaan iti fund drive iti Alliance of Concerned Teachers Philippines tapno matulongan a makapagpiyansa ti mangisursuro a nagpost nga ikkanna iti lima pulo a milyon a pisos iti makapatay kenni Presidente Rodrigo Duterte.
Ti pannaki-uman ti Bombo Radyo Vigan kenni ACT- Teachers Partylist Rep. France Castro, kinunana a no man pay nagbasol ti mangisursuro a ni Ronnel Mas inaig iti panagpost-na kontra kenni Presidente Duterte ket rumbeng a maikkan iti maikadua a gundaway tapno agbaliw isu a pagtitinnulonganda iti agur-or para iti pagpyansana.
Inyunay-unay ni Casto nga uray man saan a makaay-ayo iti impakita ni Mas ket rumbeng nga irespeto latta isuna a kas mangisursuro ta nakitana iti panagbabawina iti inaramidna.
Kinunana pay nga inrabak laeng ni Mas iti nasao a banag ta saanna a kabaelan iti agbayad iti nasao a gatad ta bassit laeng iti maswelsweldo iti mangisursuro.
Kabayatanna, sanguen ni Mas iti kaso a Violation of Code of Ethics iti RA 6713 ken Cybercrime.
