Imbilinen ti Malakanyang ti whole-of-government effort tapno paalistwen ti pannakaipatungpal ti fuel subsidy para kadagiti public utility vehicle operator ken driver, agraman ti fare discount para kadagiti commuter.
Ti pammilin ket kalpasan ti taripnong nga indaulwan ni Executive Secretary Ralph Recto kadua dagiti maseknan nga ahensia para iti naan-anay a pannakaipatungpal ti programa a mangkissay iti epekto ti panagpangina ti presio ti krudo gapu iti riribuk iti Middle East.
Segun iti Office of the Executive Secretary, binilin ni Presidente Ferdinand Marcos Jr. dagiti ahensia ti transportason ken enerhia a siguradwen ti naurnos ken coordinated a rollout ti transportation assistance package.
Karaman iti assistance package ti fuel subsidies para iti jeepney ken UV Express operators iti salinong ti Pantawid Pasada Fuel Subsidy Program, ken ti Service Contracting Program para kadagiti bus ken jeepney iti napili a ruta a mangted iti 20 percent fare discount kadagiti pasahero.
