Personal a simmango iti kaunaan a gundaway ni dati a Presidente Rodrigo Duterte iti status conference ti International Criminal Court ita nga aldaw, Setyembre 16, mainaig iti sangsangoen na a crimes against humanity.
Nakita ni Duterte iti ICC courtroom idiay The Hague, Netherlands a nakasuot ti black suit ken white shirt.
Dinakamat ni Presiding Judge Joanna Korner ti panagsango na iti korte iti umuna a gundaway ken impaganetget na mabalin isuna a pumanaw iti aniaman nga oras uray saan a nagkiddaw ti pammalubos iti korte.
Iti umuna a dua nga status conference, in-waive ti dati a presidente ti panagsango na iti korte.
Nakabalud ni Duterte iti ICC Detention Center idiay The Hague kalpasan a makemmeg idi Marso 2025, mainaig ti crimes against humanity case nga adda pakainaiganna iti war on drugs ti administrasion na.
