Adda itan ti detention House facility ni Former Philippine Drug Enforcement Agency chief Wilkins Villanueva, nga in-contempt ti House Quad Committee idi napan a Disiembre
Segun kenni House Quad Comm Lead Co-Chairperson ken Surigao del Norte 2nd District Representative Robert Ace Barbers nga inpresentar ni Villanueva ti bagina iti sanguanan ti Office of the House Sergeant-at-Arms idi Lunes, Enero 13, idi nangrugi ti sesion ti Kongreso kalpasan ti Christmas break.
Maipalagip nga idi December 12, na-contempt ni Villanueva gapu iti panagkedkedna a mangsungbat kadagiti saludsod, ngem intantan ti mega-panel ti pannakaibaludna gapu ta paskua.
Naka-detained ni Villanueva agingga a malpas ti Quad Comm hearings, ken manamnama nga ituloy ti mega-panel ti hearing inton sumaruno a lawas.
