Kinondenar ti Pilipinas ti forced labor ken naipaganetget ti kinasagana iti gobierno nga isalakan ti pagilian maipanggep kadagiti naduktalan iti imbestigasyon iti Amerika maipanggep ti mapapati a pagkurtangan dagiti safeguards kontra kadagiti maang-angkar a produkto nga adda pakainaigan ti forced labor.
Sinigurado ti Malakanyang a seryoso a tigtignayan ti gobierno dagiti isyu a nadakamat iti United States Trade Representatives (USTR), ken naipaganetget ti nabayagen a takder iti pagilian kontra iti forced labor ken ti agtultuloy a pannakaipatungpal dagiti linteg a mangisalakan iti karbengan dagiti mangmangged.
Segun ken ni Palace Press Officer ken Presidential Communications Office Undersecretary Claire Castro, manarimaan iti panangadal ti gobierno ti report iti USTR ken makikammayet kadagiti opisyal iti Amerika babaen kadagiti rumbeng a mekanismo tapno maipakita ti panagsurot iti pagilian kadagiti labor law ken ti panangkondenar iti amin a klase ti forced labor.
Kinuna pay ni Castro a bigbigen ti Office of the President ti gakat ti USTR a mangipataw iti nayon a 12.5 a porsiento a taripa kadagiti napili a produkto manipod Pilipinas.
