VIGAN CITY -Insingasing ti Provincial Agricultural Office babaen ken ni Oscar Tobia a maikkan ti foodlane conduct pass dagiti mangngalap tapno mamonitor ti produkto ken mabenepisyaran dagiti konsyumer.
Dayta ket kalpasan iti taripnong a naisayangkat idi kallabes nga inatendaran dagiti nadumaduma a food sector kas ti Department of Trade and Industry, National Food Authority, fish dealer ken groceriaan ta trinatarda dagiti parikut iti panangipastrekda kadagiti supply ta nainget ti quarantine checkpoint iti kangitingitan ti enhanced community quarantine.
No pay kasta, inlawlawag ni Tobias nga adda ti memorandum circular nga inyetnag ti Department of Agriculture a saan a malapdan dagiti agricultural commodities ta para met laeng kadagiti konsyumer dagiti maisangpet a produkto tapno adda met laeng ti mailako iti tiyendaan a gatangen dagiti umili.
