Nangipuweston ti Department of Social Welfare and Development (DSWD) dagiti relief goods ken nakasaganan dagiti evacuation center iti intero a Mimaropa.
Daytoy ket paset iti panagsagana ti posible nga epekto ti low-pressure area (LPA), habagat, ken localized thunderstorms iti lugar.
Segun ken ni DSWD Mimaropa Regional Information Officer Ferdy Rañada, maisaysayangkat ti pre-disaster risk assessment ken scenario-building meeting nga idadauloan ti Office of Civil Defense.
Kabuklan a 171, 719 family food packs ti nakasagana kadagiti bodega ti DSWD iti rehiyon nga adda kabuklan a kapasidad a 183, 400 packs.
Pakairamanan daytoy ti 32, 259 iti Occidental Mindoro, 20,910 idiay Oriental Mindoro, 23,137 iti Romblon, ken 87,615 idiay Palawan.
Impakaammo pay ti ahensia a nakasaganan ti 1,902 evacuation center para kadagiti pamilia a posible nga agbakwit no kasapulan.
