Nairekord ti Department of the Interior and Local Government (DILG) ti bimmaba iti focus crimes kas iti panagrames, physical injuries ken robbery iti umuna a kagudua ita a tawen.
Ti Focus crimes ket maikonsiderar a nakaru a basol a mabalin a mapasamak a masansa ken adda direct impact iti kinatalged ti publiko.
Bayat ti 1st Joint National Peace and Order Council and Regional Peace and Order Council meeting, kinuna ni Interior Secretary Jonvic Remullla a bimmaba ti rape incidents babaen ti 31.85 percent, physical injuries a 30.21 percent ken robbery a 26.47% manipod January 1 agingga June 6 iti agdama a tawen nu kumparar iti isu met la a panawen idi napan a tawen.
Impaganetget ni Remulla nga NPOC chairperson iti kampania kontra loose firearms a nagresultaan ti pannakumpiskar iti 12,891 illegal firearms ken pannakakemmeg iti 5,314 nga indibidual ket 4,096 kadakuadan ket sumangsangon kadagiti kaso iti korte.
22,649 anti-illegal drug operations iti naisayangkat a nagresultaan iti pannakakemmeg iti 24,148 a tattao ken pannakaala iti nasurok 200,000 a gramo iti illegal drugs nga aggatad ti 2.17 billion pesos.
Inallukoy ni Remulla dagiti newly designated regional ken local peace and order council chairpersons a papigsaen ti good governance iti formulation ken implementation iti POC initiatives.
