Pinabileg ti Philippine National Police ti monitoring kontra kadagiti fixer a manggungundaway iti pannakaipaay ti government cash assistance iti baet ti karit iti energy supply.
Nagballaag ni PNP chief Gen. Jose Melencio Nartatez Jr., a saan nga agsardeng ti kapulisan a mangtiliw kadagiti manggungundaway kadagiti nakapsut a pamilia kabayatan ti pannakaipaay ti ayuda.
Immunan a nagballaag ti Department of Social Welfare and Development kontra kadagiti backer wenno fixer a mapapati nga agsingsingir kasukat ti pannakaiproseso ti financial assistance.
Inyunay-unay ti ahensia a libre dagiti amin a serbisiona ken nabalakadan ti publiko a saan nga agtalek kadagiti scam messages a mangkidkiddaw kadagiti contact number kasukat iti government cash assistance.
