--Ads--
VIGAN CITY – Manipud idi naglockdown ket timmulongen kadagiti padada a Pilipino ni Bombo International Correspondent ken Chairperson iti Federation of the Filipino Organization Ester Beatty a taga-Tuao, Cagayan ngem adda tatta idiay Cyprus.
Segun ken ni Beatty, babaen iti tulong dagiti kakaduana a Pilipino iti nasao a pagilian ket naiwarasda ti relief goods kadagiti padada met laeng a naapektaran iti lockdown gapu ti COVID19.
Kabayatanna, idiay Cyprus ket nainget a maipatpatungpal ti social distancing ken nayyatiddug manen ti lockdown agingga inton May 4.
Dagiti met aglabsing ket mamulta ti tallogasut a euro ket no matiliwandanto manen ket mabalinda a maibalud wenno agmueltadan iti nangin-ngina a gatad.
-- ADVERTISEMENT --
