--Ads--
Nakastreken ti sumaruno a round ni Filipino boxer Aira Villegas ta inabakna ni Yasmine Moutakki iti Morroco iti women’s 50kg division iti boxing idiay North Paris Arena iti agtultuloy a Paris Olympics.
Naala ni Villegas ti unanimous decision a nangabak kontra ti Moroccan boxer.
Immanamong dagiti lima a judge iti iskor para ken ni Villegas nupay narigatan idi madama iti maikadua a rikos iti ay-ayamda ken ni Moutakki, ngem iti final round ket naalana ti iskor nga uppat manipod lima a judge a gappuanan ti pannangabakba.
Kalabanen ni Villegas ni No. 2 seed Roumaysa Boualam manipod Algeria iti round-of-16 inton August 1.
-- ADVERTISEMENT --
