--Ads--
Imbilin ti FIFA a rumbeng nga amin a babbai iti grupo kadagiti world tournaments ket babai met laeng iti head wenno assistant coach-da.
Ti nasao a baro a pagannurotan ket inaprubaran ti FIFA Council nga epektibo iti national ken club competitions iti senior ken youth levels.
Sakupna pay dayta iti 2027 Women’s World Cup a mapasamak idiay Brazil ken uray iti Under-20 Women’s World Cup a mapasamak met laeng iti nasao a pagilian.
Malaksid kadagiti babbai a head wenno assistant coach ket rumbeng a maaddaan dagiti presensya nga adda maysa wenno nasursurok pay a babbai nga staff iti tunggal bench.
-- ADVERTISEMENT --
Segun ken ni FIFA Chief football officer Jill Ellis, rumbeng a rugian dagiti pagilian iti mangala kadagiti babai a coach iti football.
