Kinumpirmar ni Former Armed Forces of the Philippines’ Western Command (AFP WESCOM) commander Vice Admiral Alberto Carlos a nakaawat isuna ti tawag manipud iti maysa a Chinese military Attache ngem inlawlawagna a saan isuna nga immanugot a sumrek iti aniaman a tulagan a mangikompromiso iti national interest ti Pilipinas.
Bayat a manarimaan ti imbestigasyon ti senado inaig iti maipagarup a wiretapping ti Chinese Embassy, kinuna ni Carlos a nakaawat ti tawag idi bulan ti Enero manipud iti Chinese Military Attaché a maaw-awagan ti “Senior Colonel Li” manipud iti Chinese Embassy ngem saanna a maibaga ti kompleto a naganna.
Innayonna a bimmayag ti saritaanda iti tallo agingga lima a minutos a ti nagsaritaanda ket nu kasano a mapabassit ti tensyon iti West Philippine Sea, partikular idi manarimaan ti rotation ken resupply mission idiay Ayungin Shoal.
Saanen a nanginayon ti deatlye ni Carlos iti saritaanda ti opisyal ti Chines Embassy ngem inpasiguradona iti Senate National Defense Commitee a nakasagana a mangipakaammo ti maipapan ti operational concept a nagpatanganda inaig iti resupply mission iti maysa nga executive mission.
