Agtuloy latta ti performance evaluation ni Presidente Ferdinand Marcos Jr kadagiti mangidaulo ti Government Owned and Controlled Corporation a binilinna met laeng nga agikkat iti puesto.
Segun ken ni Executive Sec. Lucas Bersamin, saan a maapektaran ti ar-aramiden nga evaluation ti presidente uray pay no adda nakaisina a review ti Governance Commission for GOCCs.
Inlawlawag ni Bersamin a mandato ti GCG nga idalan iti tinawen a review dagiti mangidaulo ti GOCCs kada katengngaan ti tawen, nga ita ket naigiddan iti performance evaluation ti presidente gapu iti bilinna a courtesy resignation.
Ngem segun iti Malakanyang, uray pay no ania ti agbalin a singasing ti GCG ket saan a maapektaran ti agsina a review ti presidente ken ti pinilina a panel, no asino kadagiti GOCC heads ti agtalinaed, mayakar, wenno maikkat iti puesto.