Ragsak ken isem dagiti estudyante iti simmabat kadagiti mangisursuro a nanguray kadakuada iti uneg ti pagadalan ita umuna nga aldaw a panagsublida iti eskwela.
Iti pannaki-uman ti Bombo Radyo Vigan kenni Principal I Urselina Panelo ti Garreta Elementary School, no man pay napasaran iti nasao a probinsya iti nakaro nga epekto ti magnitude 7 a gingined ket makunana a nakasagana ti pagadalanda a mangisuro kadagiti estudyante.
Sangagasut duapulo ket maysa nga estudyante iti nag-enroll iti nasao a pagadalan ket iti umuna nga aldaw iti panagbabasa ket simbrekda amin.
Kabayatanna agkasapolan iti nasao a pagadalan iti building a dinadael iti napigsa a gingined idi July 27 ta temporaryo nga agklase dagiti dadduma nga estudyante iti covered court iti barangay.
