Nagsubli idiay Kalibo International Airport ti maysa nga eroplano a nakatayaben a mapan South Korea gapu iti power bank a naitugot ti pasahero iti bagahena a nakacheck-in.
Segun kadagiti otoridad, nagtaud ti pasamak iti imbaga ti pasahero a nairaman iti bagahena a nakacheck-in ti power bank-na a rebbengna koma nga iggemna.
Kalpasan ti maysa oras a biahe iti tangatang, natalged met a nakasubli iti airport ti eroplano ken dagus a nairuar ti bagahe ti pasahero tapnon alaen ti power bank-na.
Gapu iti pasamak, nagpalagip manen ti management ti airport kadagiti agbiahe a sumurot kadagiti maipatpatungpal a patakaran tapno saan a maisagmak ti panagbiahe dagiti eroplano.
Nasken pay nga ipakaammo ti pasahero iti check-in station pay laeng dagiti intugotda nga electronic device.
